ګوزنیشپه کینیا کې پر ایبولا د اخته کسانو شمېر اتو ته ورسېد
د کینیا چارواکو ویلي چې د ایبولا د یوې نوې پېښې له تایید سره، په دغه هېواد کې پر دې ناروغۍ د اخته کسانو ټول شمېر اتو ته رسېدلی دی.
رویټرز د دوشنبې په سهار وختي، د اکتوبر په ۱۹مه، راپور ورکړی چې د کینیا روغتیايي چارواکو تېره ورځ دا خبره له ځايي رسنیو سره شریکه کړې ده.
د راپور له مخې، دغو چارواکو ویلي چې د یکشنبې په ورځ د ۳۸ کسانو معاینات شوي او د یوه کس د ایبولا معاینې پایله مثبته وه.
ویل شوي چې نوی اخته شوی کس د ناروغ له ملګرو څخه و او لوښي او د بستر څادرونه یې پاکول.
په همدې حال کې، کینیا د بشپړ چمتووالي په حالت کې ده، ځکه د ایبولا پراخې وبا، چې مرکز یې په کانګو کې دی، اوس له پولو اوښتې او په سیمه کې خپره شوې ده.
کانګو د یکشنبې په ورځ تایید کړه چې دا ناروغي د دغه هېواد اتم ولایت ته رسېدلې ده؛ هغه څه چې په سیمه کې د دې ناروغۍ د لا ډېر خپرېدو په اړه اندېښنې یې زیاتې کړې دي.
